Eduroam
EDUROAM (Education Roaming) é un servizo global que permite ao alumnado, profesorado e investigador acceder ás redes Wi-Fi das institucións académicas e de investigación participantes utilizando as credenciais da súa institución de orixe.
En España, eduroam forma parte da infraestrutura dixital coordinada por RedIRIS (Ministerio de Ciencia, Innovación e Universidades).
O Conservatorio Superior de Música de Vigo uniuse recentemente a RedIRIS-IdPnube, o que nos permitirá acceder aos servizos web federados: SIR2, eduGAIN e EDUROAM.
Poden acceder á rede Wi-Fi "eduroam":
• O alumnado, o profesorado e o persoal do Conservatorio Superior de Música de Vigo que teñan credenciais institucionais activas.
Para a autenticación, debes usar o teu enderezo de correo electrónico institucional e o contrasinal xerado durante o teu primeiro acceso a IdPnube. (Cada usuario de CSMVIGO recibirá un correo electrónico con esta ligazón no seu debido momento.)
Procedemento de configuración da conexión a Eduroam
• Os instaladores de configuración para os diferentes sistemas operativos están dispoñibles a través dos servizos eduroam CAT e GetEduroam.
Windows, macOS, Linux, iPhone e iPad (iOS/iPadOS), Android
Soporte e servizos permitidos
En caso de problema coa conexión á rede eduroam, os usuarios do Conservatorio Superior de Música de Vigo deben contactar co servizo de soporte técnico de CSMVIGO a través da canle oficial: tic_eduroam@csmvigo.com. Os usuarios visitantes deben contactar co servizo de soporte da súa institución de orixe.
A dispoñibilidade de certos servizos estará suxeita ás políticas de seguridade e uso establecidas polo Conservatorio Superior de Música de Vigo e a infraestrutura RedIRIS.